சாத்தான் செயல்

பூக்கள் நசுக்குவதே
தீவிரவாதமெனில் - இளம்
மொட்டுக்கள் பொசுக்குவது
சாத்தானின் செயலா?
கொடுங் கோழையடா நீ!
உன் வேதத்தில்
இளந்தளிர்கள் அற்பணிப்பதை 
என்னவென்று சொல்வார்கள்?
உனக்கு வேதம் ஓதியவனை,
உனக்கென வேலை செய்தவனை
கொணர்ந்து கைகால் வெட்டி 
பிள்ளைகளுக்கு பாடமெடுக்க 
பணித்தாலும் அடங்காது
இன்னுயிர் நீத்த ஆத்மாக்கள்!

புலம்பெயர்தல்

கருவறையினுள் கைவிட்டு
கொடியுடன் பிடுங்கி
தூர எறிதல் போல் 
இந்த புலம்பெயர்தல்!
கதி கலங்கியது 
கருவறையே பொசுங்கியதும்.
உயிர் பயமோ,
உயிர் வலியோ,
தூரத்து விடியலை 
துரத்தியே 
முடிவற்ற  ஓட்டம்...

வீர மரணம்

மாண்டபின் மண்ணோ விண்ணோ
சடுதியில் விடுகின்ற உயிரின் மதிப்பு
விலை மதிப்பற்ற தியாகமாகும்
நாட்டிற்காகவோ
நம்மை சார்ந்தவர்காகவோ
பிரியும்பொழுது.