பத்து நொடி பயணம்தான் பலமுறை
பிந்தைய பயணிகள் பரவச்செய்த
வாசம் இன்னும் விட்டகலவில்லை
மேல்தட்டு நங்கையின் மேல்பூச்சு வாசமோ
உழைத்து களைத்தவரின் வியர்வையின் மணமோ
முன்னவரின் குணாதிசயம் உணர்த்திவிடும்
விரைய வேண்டிய நேரம் மெதுவாகவும்
ஓய்வாக செல்கையில் துரிதமாகவும்
ஏற்றி செல்லுமிந்த மின் தூக்கி
மனிதப் பரிணாமம் பற்றியும்
வாழ்க்கை சமனையும் போதிக்கும்
ஆசானிந்த மின் தூக்கி பயணம்
-- கி.வினோத்
